અમારી બાળ સુરક્ષા માટેની ટૂલકિટ શોધો

“Googleના હૅશ મેચિંગ સોલ્યુશનને કારણે અમારા વર્કફ્લોમાં ક્રાંતિ આવી છે અને તેને કારણે બહેતર અને ઝડપથી પરિણામો મળે છે. Googleના નોંધપાત્ર યોગદાનને કારણે નેશનલ સેન્ટર ફૉર મિસિંગ એન્ડ એક્સપ્લોઇટેડ ચિલ્ડ્રન હવે ઑટોમૅટિક રીતે ચાલતી પ્રક્રિયાઓ અનુસાર કામ કરે છે, જેને કારણે અગાઉ જાણ કરવામાં આવેલા CSAM માટે માનવ દ્વારા કરવામાં આવતા રિવ્યૂની આવશ્યકતા ઓછી પડે છે, પરિણામે આ સમસ્યાઓના નિરાકરણમાં અમને ઓછા સ્ટાફની જરૂર પડે છે. ખૂબ જ જરૂરી છે કે આવી છબીઓને શક્ય તેટલી ઝડપથી કાઢી લેવામાં આવે, કારણ કે જેટલી વાર કોઈ બાળકની છબી શેર કરવામાં આવે છે તેટલી વાર ફરી ફરીને તે શોષણનો શિકાર થાય છે. આને કારણે અમે જાતીય શોષણનો શિકાર બનેલા નવા અને અજાણ્યા પીડિતો અને બચી ગયેલા લોકો માટે પણ કામ કરી શકીએ છીએ.” - નેશનલ સેન્ટર ફૉર મિસિંગ એન્ડ એક્સપ્લોઇટેડ ચિલ્ડ્રન

“Googleના Content Safety APIને અમલમાં મૂકવું એ અમારા પ્લૅટફૉર્મ માટે એક મોટી જીત છે, જે વપરાશકર્તાઓ દ્વારા અપલોડ કરેલા લાખો દસ્તાવેજો હોસ્ટ કરે છે. API સંભવિત અપમાનજનક સામગ્રી માટે મોટી માત્રામાં છબીઓને અસરકારક રીતે સ્કૅન કરે છે, જે અમારા વપરાશકર્તાઓ માટે સુરક્ષિત ડિજિટલ વાતાવરણની ખાતરી કરવામાં સહાય કરે છે. તેના હાઇ થ્રૂપુટ અને સચોટતાને કારણે અમે રિવ્યૂ, હસ્તક્ષેપ અને સપોર્ટ પર ફોકસ કરી શક્યાં છીએ.” - Scribd, Inc.

“Googleના બાળકોની સલામતી માટેના ટૂલ થકી અમે એ પ્રમાણિત કરી શક્યાં છીએ કે અમે લીધેલા સલામતીના પગલાં કામ કરે છે અને Nextdoor પર અમને એક આંકડાની સંખ્યામાં જ બાળકોના જાતીય શોષણ સંબંધિત કન્ટેન્ટની ઘટનાઓ જોવા મળી રહી છે.” - Nextdoor

“જેમ Substack તેની વીડિયોની ક્ષમતાને વિસ્તૃત કરતું જાય છે, તેમ અમારા સમુદાયની સલામતીની ખાતરી કરવી-ખાસ કરીને સગીરોનું રક્ષણ કરવું-એ વિશ્વાસ અને સલામતીને લગતી અમારી ટોચની પ્રાધાન્યતા છે. બાળ શારીરિક શોષણને લગતા કન્ટેન્ટ (CSAI)ની ભાળ મેળવતી અદ્યતન ટેક્નોલોજીનો લાભ લેવો એ આ ગંભીર સલામતી પડકારોને પહોંચી વળવામાં મહત્ત્વપૂર્ણ સાબિત થયો છે. Googleના ટૂલ અમને હાનિકારક કન્ટેન્ટને ઝડપથી અને સચોટ રીતે ઓળખવા તેમજ કાઢી નાખવાની સુવિધા આપે છે, જેનાથી ખાતરી થઈ શકે છે કે અમારું પ્લૅટફૉર્મ નિર્માતાઓ અને ઑડિયન્સ માટે સમાન રીતે સુરક્ષિત સ્થાન રહે.” - Substack

“CSAI Match Adobeના બાળકોની સલામતી માટેના પ્રોગ્રામનો મહત્ત્વપૂર્ણ આધારસ્તંભ છે. આ ટેક્નોલોજીનો લાભ લેવો એ બાળકોના જાતીય શોષણના વીડિયોને મોટા પાયે વધુ અસરકારક રીતે શોધવામાં સહાય કરવા માટે એક અસરકારક માધ્યમ સાબિત થયું છે.” - Adobe

“બાળકોના જાતીય શોષણ સબંધિત કન્ટેન્ટ દર્શાવતા વીડિયોની વધતી સંખ્યાનો સામનો કરવામાં અમારી સામે સતત નવા પડકારો આવતા રહે છે અને તેને કારણે નવી ટેક્નોલોજીની જરૂર પડે છે. CSAI Match ટેક્નોલોજી આ સમસ્યાના નિરાકરણનો એક ભાગ સાબિત થઈ છે, જેની સહાયથી અમે અમારા પ્લૅટફૉર્મ પરના વીડિયોમાં ઘણી સારી રીતે CSAMની ભાળ મેળવી શકીએ છીએ અને તેને કાઢી શકીએ છીએ.” - Yahoo!

“Content Safety API, સગીરો સાથેના જાતીય શોષણને દર્શાવતી છબીઓને પ્રાધાન્યતા આપીને, તેમને ઓળખવાનું કામ કરતા વિશ્લેષકોની સહાય કરે છે. પહેલાંની તુલનામાં હાલના સમયમાં રિપોર્ટનો રિવ્યૂ કરવા માટેની વિનંતીઓની સંખ્યામાં ધરખમ વધારો થયો છે, જેને કારણે તેમના પર પ્રક્રિયા કરતી વખતે રિવ્યૂ માટે સફળતાપૂર્વક તેમની પ્રાધાન્યતા નક્કી કરવી એ ખરેખર એક પડકાર છે. આ ટેક્નોલોજીને કારણે વિશ્લેષકો, સગીરો પર જાતીય શોષણ દર્શાવતું કન્ટેન્ટ શામેલ હોય એવા રિપોર્ટ વધુ ઝડપથી જોઈ શકે છે અને તેથી તેઓ પીડિતોને બચાવવા અને આવું કન્ટેન્ટ કાઢી નાખવા માટે વધુ ઝડપથી પગલું લઈ શકે છે.” - Point de Contact

“Content Safety APIનું એકત્રીકરણ સરળતાથી કરી શકાય છે, તે ઝડપથી પ્રતિસાદ આપે છે, તે બહેતર રીતે કામ કરે છે સાથે તેના પરિણામો સચોટ હોય છે, એટલું જ નહીં તેને કારણે કન્ટેન્ટનું વિશ્લેષણ કરતા વિશ્લેષકો દ્વારા CSAM ધરાવતી છબીઓનો રિવ્યૂ કરવામાં વિતાવવામાં આવતા સમયમાં નોંધપાત્ર ઘટાડો થયો છે, તેને કારણે વિશ્લેષણની પ્રક્રિયા પણ બહેતર બની છે અને કન્ટેન્ટનું વિશ્લેષણ કરનારા વિશ્લેષકોની સુખાકારી પર પણ સકારાત્મક અસર થઈ છે.” - Safernet Brasil