Seachలో పిల్లలపై లైంగిక చర్యలపై పోరాటం

Google Search సమాచారాన్ని కనుగొనడాన్ని సులభతరం చేస్తుంది, కానీ చట్టవిరుద్ధంగా లేదా లైంగికంగా పిల్లలపై దాడి చేసే కంటెంట్‌ను Searchలో ఉంచాలని మేము ఎప్పటికీ కోరుకోము. పిల్లల లైంగిక అశ్లీల సంబంధిత అంశాలకు దారితీసే సెర్చ్ ఫలితాలను లేదా పిల్లలను లైంగికంగా బాధించే, అపాయం కలిగించే లేదా ఇతరత్రా పిల్లలపై దాడి చేసినట్లు కనిపించే కంటెంట్‌ను బ్లాక్ చేయడం మా పాలసీ. నిత్యం అభివృద్ధి చెందుతున్న ఈ ప్రమాదాలను ఎదుర్కోవడానికి మేము మా అల్గారిథమ్‌లను నిరంతరం అప్‌డేట్ చేస్తూనే ఉన్నాము.

ఏ సెర్చ్‌లు అయితే CSAM కంటెంట్‌ను కోరుతున్నట్లు మాకు అర్థమవుతుందో, ఆ సెర్చ్‌ల విషయంలో మేము అదనపు రక్షణలను వర్తింపజేస్తాము. సెర్చ్ క్వెరీ CSAMను కోరుతున్నట్లు అనిపిస్తే మేము అందరికీ తగని లైంగిక ఫలితాలను ఫిల్టర్ చేస్తాము, పెద్దవారికి సంబంధించిన అందరికీ తగని కంటెంట్‌ను కోరే క్వెరీల విషయంలో, పిల్లలకు, లైంగిక కంటెంట్‌కు మధ్య లింక్‌ను బ్రేక్ చేయడానికి, పిల్లలు ఉండే ఇమేజ్‌లను Search అందించదు. అనేక దేశాల్లో, స్పష్టంగా CSAMకి సంబంధించిన క్వెరీలను ఎంటర్ చేసే యూజర్‌లకు పిల్లల లైంగిక అశ్లీల సంబంధిత అంశాలు చట్టవిరుద్ధమని ప్రముఖ హెచ్చరికను చూపిస్తారు; దానితో పాటుగా UKలోని ఇంటర్నెట్ వాచ్ ఫౌండేషన్, కెనడియన్ సెంటర్ ఫర్ చైల్డ్ ప్రొటెక్షన్, కొలంబియాలోని టె ప్రొటెజో వంటి విశ్వసనీయ సంస్థలకు ఈ కంటెంట్‌ను ఎలా రిపోర్ట్ చేయాలనే దానిపై సమాచారం ఉంటుంది. ఈ హెచ్చరికలను చూపినప్పుడు, ఈ కంటెంట్ కోసం యూజర్‌లు వెతకడాన్ని కొనసాగించే అవకాశం తక్కువ.

సందర్భోచితమైన లింక్‌లు

పిల్లలపై దాడికి సంబంధించిన వీడియోలను, కంటెంట్‌ను ఎదుర్కోవడానికి YouTube చేసే కృషి

YouTubeలో పిల్లలను లైంగికంగా చూపే లేదా పిల్లలపై దాడి చేసే వీడియోలు, ప్లేలిస్ట్‌లు, థంబ్‌నెయిల్స్, కామెంట్‌లకు వ్యతిరేకంగా, మేము ఎల్లప్పుడూ స్పష్టమైన పాలసీలను కలిగి ఉన్నాము. మేము ఈ పాలసీల ఉల్లంఘనలను ముందస్తుగా గుర్తించడానికి మెషిన్ లెర్నింగ్ సిస్టమ్‌లను ఉపయోగిస్తాము, అలాగే మా సిస్టమ్‌లు గుర్తించిన లేదా యూజర్‌ల చేత, మా విశ్వసనీయ ఫ్లాగర్‌లచే ఫ్లాగ్ చేయబడిన ఉల్లంఘనలను త్వరగా తొలగించడానికి ప్రపంచవ్యాప్తంగా రివ్యూవర్‌లు ఉంటారు.

మైనర్‌లను ఫీచర్ చేసే కొంత కంటెంట్, మా పాలసీలను ఉల్లంఘించకపోయినా, మైనర్‌లు ఆన్‌లైన్ లేదా ఆఫ్‌లైన్‌లో దాడికి గురయ్యే ప్రమాదం ఉందని మేము గుర్తిస్తాము. అందుకే ఈ పాలసీలను అమలు చేసేటప్పుడు మేము అదనపు జాగ్రత్తతో కూడిన విధానాన్ని అనుసరిస్తాము. మా మెషిన్ లెర్నింగ్ సిస్టమ్‌లు, మైనర్‌లను ప్రమాదంలో పడేయగల వీడియోలను ముందస్తుగా గుర్తించడంలో సహాయపడతాయి, అంతే కాకుండా మాకు సంబంధించి, లైవ్ ఫీచర్‌లను పరిమితం చేయడం, కామెంట్‌లను డిజేబుల్ చేయడం, సిఫార్సు చేసిన వీడియోలను పరిమితం చేయడం వంటి భద్రతలను విస్తృత స్థాయిలో వర్తింపజేస్తాయి.

సందర్భోచితమైన లింక్‌లు

మా CSAM పారదర్శకత రిపోర్ట్

2021లో, ఆన్‌లైన్‌లో పిల్లలను లైంగికంగా వేధించే కంటెంట్‌ను ఎదుర్కోవడానికి Google చేస్తున్న కృషిపై NCMECకి మేము ఎన్ని రిపోర్ట్‌లు అందించామో వివరిస్తూ పారదర్శకత రిపోర్ట్‌ను లాంచ్ చేసాము. YouTubeలో మా కృషి, మేము Search నుండి CSAM ఫలితాలను ఎలా గుర్తిస్తాము, తీసివేస్తాము, మా సర్వీస్‌లలో CSAM ఉల్లంఘనల వల్ల ఎన్ని ఖాతాలు డిజేబుల్ చేయబడ్డాయి వంటి డేటాను కూడా రిపోర్ట్ అందిస్తుంది.

పారదర్శకత రిపోర్ట్, మేము NCMECతో షేర్ చేసే CSAM హ్యాష్‌ల సంఖ్యకు సంబంధించిన సమాచారాన్ని కూడా కలిగి ఉంటుంది. ఈ హాష్‌లు ఇతర ప్లాట్‌ఫామ్‌లు CSAMని స్కేల్‌లో గుర్తించడంలో సహాయపడతాయి. NCMEC హ్యాష్ డేటాబేస్‌కు సహకారం అందించడం అనేది, మేము పరిశ్రమలోని ఇతరులు CSAMను ఎదుర్కోవడానికి చేసే ప్రయత్నంలో సహాయపడగల ముఖ్యమైన మార్గాలలో ఒకటి, ఎందుకంటే ఇది ఈ సంబంధిత కంటెంట్‌ను తిరిగి పంపడాన్ని, దుర్వినియోగానికి గురైన పిల్లలను తిరిగి బాధితులుగా మార్చడాన్ని తగ్గించడంలో సహాయపడుతుంది.

సందర్భోచితమైన లింక్‌లు

మా ప్రోడక్ట్‌లలో అనుచిత ప్రవర్తనను రిపోర్ట్ చేయడం

మేము మా ప్రోడక్ట్‌లను ఉపయోగించే చిన్నారులను అనైతిక శృంగారానికి లోబరచుకోవడం, లైంగిక వేధింపు, చిన్నారుల అక్రమ రవాణా, ఇంకా ఇతర రకాలుగా పిల్లలపై లైంగిక దాడి జరగకుండా రక్షించాలనుకుంటున్నాము. పిల్లలు ఉపయోగించగలిగేలా మా ప్రోడక్ట్‌లను సురక్షితంగా ఉంచే మా చర్యలో భాగంగా, పిల్లలను లైంగికంగా వేధించే కంటెంట్‌ను సంబంధిత అధికారులకు రిపోర్ట్ చేయడంలో యూజర్‌లకు సహాయపడటానికి మేము ఉపయోగకరమైన సమాచారాన్ని అందిస్తాము.

Gmail లేదా Hangouts వంటి Google ప్రోడక్ట్‌ల వలన పిల్లలు ప్రమాదంలో పడినట్లుగా యూజర్‌లకు అనుమానం ఉంటే, వారు ఈ ఫారమ్‌ను ఉపయోగించి రిపోర్ట్ చేయవచ్చు. యూజర్‌లు YouTubeలో అనుచితమైన కంటెంట్‌ను ఫ్లాగ్ చేయవచ్చు, Google Meetలో దుర్వినియోగాన్ని సహాయ కేంద్రం ద్వారాను, అలాగే నేరుగా ప్రోడక్ట్‌లోను రిపోర్ట్ చేయవచ్చు. మేము పిల్లలను కాంటాక్ట్ చేయకుండా యూజర్‌లను ఎలా బ్లాక్ చేయాలనే సమాచారంతో సహా, జులుం చలాయించడం, పీడించటం గురించిన ఆందోళనలను ఎలా ఎదుర్కోవాలనే దానిపై కూడా మేము సమాచారాన్ని అందిస్తాము. మా పిల్లల భద్రతా పాలసీల గురించి మరింత తెలుసుకోవడానికి, YouTube కమ్యూనిటీ గైడ్‌లైన్స్‌ను, Google భద్రతా కేంద్రాన్ని చూడండి.

సందర్భోచితమైన లింక్‌లు