எங்கள் சிறுவர் பாதுகாப்புக் கருவித்தொகுப்பை கண்டறிக

“Googleளின் ஹேஷ் மேட்சிங் தீர்வு எங்களது பணிமுறைகளில் புரட்சியை ஏற்படுத்தி சிறந்த, விரைவான முடிவுகளைப் பெற உதவியுள்ளது. காணாமல் போன மற்றும் தவறாகப் பயன்படுத்தப்பட்ட சிறாருக்கான தேசிய அமைப்புக்கு (NCMEC) Googleளின் சிறப்பான பங்களிப்பின் மூலம், ஏற்கெனவே CSAMமாகப் புகாரளிக்கப்பட்டவற்றை நிபுணர் மதிப்பாய்வு செய்வதற்கான தேவையைத் தானியங்கு செயல்முறைகள் குறைக்கின்றன. எங்கள் பணியாளர்கள் இவற்றைக் காண்பதையும் இது குறைக்கிறது. ஒவ்வொருமுறை குழந்தையின் படம் மீண்டும் பகிரப்படும்போதும் அவரை மீண்டும் முழுவதுமாகப் பாதிப்புக்குள்ளாக்குகிறது என்பதால் இந்தப் படங்களை விரைவில் அகற்றுவது மிகவும் முக்கியம். இதனால், புதிய மற்றும் அறியப்படாத பாதிப்புக்குள்ளான, தப்பிய சிறார் மீது கவனம் செலுத்தவும் எங்களால் முடிகிறது.” - காணாமல் போன மற்றும் தவறாகப் பயன்படுத்தப்பட்ட சிறாருக்கான தேசிய அமைப்பு

“பல கோடி பயனர்கள் பதிவேற்றிய ஆவணங்களைக் கொண்டுள்ள எங்கள் பிளாட்ஃபார்மில் Googleளின் Content Safety APIயைச் செயல்படுத்தியது மிகப்பெரிய வெற்றியாகும். எங்கள் பயனர்களுக்குப் பாதுகாப்பான டிஜிட்டல் சூழல் கிடைப்பதை உறுதிசெய்ய உதவுவதற்கு, மனதைப் புண்படுத்தும் வாய்ப்புள்ள உள்ளடக்கம் உள்ளதா என அதிக அளவிலான படங்களை API திறம்பட ஸ்கேன் செய்கிறது. இதன் உயர் வீச்சும் துல்லியமும் நாங்கள் மதிப்பாய்வு, நடவடிக்கை, உதவி ஆகியவற்றில் கவனம் செலுத்துவதற்கு உதவுகின்றன." - Scribd, Inc.

“எங்களின் பாதுகாப்பு நடவடிக்கைகள் சரியாகச் செயல்படுகின்றனவா என்பதைச் சரிபார்க்க Googleளின் சிறார் பாதுகாப்புக் கருவிகள் உதவுகின்றன. அத்துடன் Nextdoorரில் சிறார் பாலியல் கொடுமை சார்ந்த உள்ளடக்கம் தென்படும் நிகழ்வுகளின் எண்ணிக்கை ஒற்றை இலக்கத்திற்குக் குறைந்திருப்பதையும் தொடர்ந்து கவனித்து வருகிறோம்." - Nextdoor

“Substack அதன் வீடியோ திறன்களை விரிவுபடுத்தும் அதேவேளையில், எங்கள் சமூகத்தின் (குறிப்பாக வயது வராதோர்) பாதுகாப்பை உறுதிப்படுத்துகிறது, நம்பிக்கை மற்றும் பாதுகாப்பு சார்ந்து முன்னுரிமை அளிப்பவற்றில் இதை முன்னுரிமையாக வைத்துள்ளது. சிறார் பாலியல் கொடுமை சார்ந்தவற்றை (CSAI - Child Sexual Abuse Imagery) கண்டறிதலுக்கான மேம்பட்ட தொழில்நுட்பங்களைப் பயன்படுத்துவது இந்தத் தீவிரமான பாதுகாப்புச் சவால்களை எதிர்கொள்வதில் ஒரு கருவியாக உள்ளது. Google கருவிகள் தீங்கு விளைவிக்கும் உள்ளடக்கத்தை விரைவாகவும் துல்லியமாகவும் கண்டறிந்து அகற்ற உதவுகின்றன. மேலும் எங்கள் பிளாட்ஃபார்ம் கிரியேட்டர்களுக்கும் பார்வையாளர்களுக்கும் பாதுகாப்பான இடமாக இருப்பதை உறுதிசெய்கின்றன." - Substack

"Adobe சிறார் பாதுகாப்புத் திட்டத்தின் முக்கியத் தூணாக CSAI Match விளங்குகிறது. இந்தத் தொழில்நுட்பத்தைப் பயன்படுத்துவது சிறார் பாலியல் வன்கொடுமை தொடர்பான வீடியோக்களை அதிகளவில் திறம்படக் கண்டறிய உதவும் ஒரு சிறந்த வழிமுறை என நிரூபிக்கப்பட்டுள்ளது." - Adobe

“வீடியோ அடிப்படையிலான சிறார் பாலியல் வன்கொடுமை சார்ந்த உள்ளடக்கம் அதிகரிப்பதை எதிர்ப்பதில் புதிய சவால்கள் உருவாக்கியுள்ளன, அவற்றை எதிர்ப்பதற்குப் புதிய தொழில்நுட்பம் தேவைப்படுகிறது. CSAI Match இதற்கான தீர்வுகளில் ஒன்றாகக் கண்டறியப்பட்டுள்ளது. இது எங்களின் பிளாட்ஃபார்ம்களில் வீடியோ CSAMமைச் சிறப்பாகக் கண்டறிந்து அகற்ற உதவுகிறது.” - Yahoo!

“வயதுவராதோர் பாலியல் வன்கொடுமைக்குள்ளாவதைக் காட்டும் படங்களுக்கு முன்னுரிமை அளித்து அடையாளப்படுத்தும் பணியில் ஈடுபட்டுள்ள பகுப்பாய்வாளர்களுக்கு Content Safety API உதவுகிறது. செயலாக்க வேண்டிய அறிக்கைகளின் அளவு எப்போதும் அதிகரித்துக்கொண்டே இருப்பதால் மதிப்பாய்வு செய்ய அந்த அறிக்கைகளுக்கு முன்னுரிமை வழங்குவது சவாலான விஷயமாகும். வயதுவராதோர் மீதான பாலியல் வன்கொடுமையைக் காட்டும் உள்ளடக்கத்தைப் பற்றிய புகார்களைப் பகுப்பாய்வாளர்கள் விரைவாகப் பார்க்க இந்தத் தொழில்நுட்பம் உதவுகிறது. எனவே பாதிக்கப்பட்டவர்களைப் பாதுகாக்கவும் அந்த உள்ளடக்கத்தை அகற்றவும் அவர்களால் விரைவாகச் செயல்பட முடிகிறது.” - Point de Contact

“Content Safety API ஒருங்கிணைக்க எளிதானது, பதிலளிப்பதில் விரைவானது, நிலையானது மற்றும் துல்லியமானது. இது CSAM படங்களை மதிப்பாய்வு செய்வதில் உள்ளடக்கப் பகுப்பாய்வாளர்கள் செலவிடும் நேரத்தை வெகுவாகக் குறைத்து, பகுப்பாய்வுச் செயல்முறையை மேம்படுத்தியுள்ளது மற்றும் அவர்களின் நலனில் நேர்மறையான தாக்கத்தை ஏற்படுத்தியுள்ளது.” - Safernet Brasil